Belgiya va Niderlandiya maxsus xizmatlarining qo‘shma operatsiyasi natijasida keng ko‘lamli telefon firibgarliklariga aloqador 8 nafar gumondor qo‘lga olindi. Operatsiya doirasida Belgiya va Niderlandiyaning turli hududlarida 17 ta qidiruv o‘tkazildi.

Jinoyatchilar qurbonlarni soxta bank saytlariga jalb qilish uchun elektron pochta, messenjerlar va SMS xabarlarda fishing havolalaridan foydalanganlar. Kiritilgan maʼlumotlar keyinchalik aldash uchun ishlatilgan: qurbonlarga “bank xodimlari” yoki “firibgarlikka qarshi kurash guruhi” nomidan qo‘ng‘iroq qilib, yordam so‘rashga majburlaganlar. Shunday qilib, jinoyatchilar bank hisob raqamlarini bo‘shatib, millionlab yevroga yetkazilgan zarar keltirganlar.

Operatsiyalarni amalga oshirish uchun jinoyatchilar elita kvartiralarni ijaraga olib, ularni koll-markaz sifatida foydalanganlar. Asosiy nishon keksa odamlar bo‘lib, baʼzida ularning uyiga borganlar. Jinoyatlarning aksariyati Belgiyada sodir bo‘lgan, ammo asosiy tashkilotchilar Niderlandiyada bo‘lgan.

O‘g‘irlangan pullarga jinoyatchilar qimmatbaho soatlar, ziynatu buyumlar sotib olib, elita klublarda ziyofatlar uyushtirganlar. O‘zlarining “muvaffaqiyatli” hayotini ijtimoiy tarmoqlarda faol targ‘ibot qilib, baʼzida mashhur shaxslar bilan suratlarini joylashtirib, o‘z obro‘sini oshirganlar. Topilgan xabarlashuvlardan birida jinoyatchilar hatto keksa odamlarni ham aldaganlari bilan maqtanishgan. Manipyulyatsiya qurbonlarning psixologik zaif jihatlari haqidagi aniq bilimlarga asoslangan. Muvaffaqiyatsiz holatlarda firibgarlar suhbatdoshlariga nisbatan behayo va haqoratli bo‘lishdan toymaganlar.

Tergov maʼlumotlariga ko‘ra, kamida 10 ta Yevropa mamlakati fuqarolari jabrlangan va umumiy zarar bir necha million yevroni tashkil etgan. Politsiya qimmatbaho buyumlar va naqd pullarni, elektron qurilmalarni hamda o‘q otar qurolini musodara qilgan.

Tergov 2022 yilda Belgiyada boshlangan. Keyinchalik asosiy gumondorlar Niderlandiya fuqarolari bo‘lgani sababli gollandiyalik tergovchilar ham ishga jalb qilingan. Yevropol va Yevroyust ikki mamlakat politsiyasining harakatlarini muvofiqlashtirish va analitik ko‘mak ko‘rsatishda yordam bergan.

Fuqarolarga maslahatlar:

• Bank hisob raqami maʼlumotlarini tezkor ravishda yangilash kerakligi haqidagi xabarlarga ishonmang.
• Hisob raqami bloklangani to‘g‘risidagi bildirishnomalarni eʼtiborsiz qoldiring.
• URL manzillarini tekshiring – ular “https://” bilan boshlanishi kerak.
• Ayniqsa, sotuvchi oldindan to‘lov so‘rasa, eʼlonlar saytlaridagi xaridlarda ehtiyot bo‘ling.

Himoya qilish uchun antivirus dasturlaridan foydalaning, qurilmalaringizni yangilab turing va murakkab parollar o‘rnating. Hech qachon shubhali havolalarga o‘tmang va shaxsiy moliyaviy maʼlumotlaringizni notanish kishilarga aytmang.